ई–आर्थिक, काठमाडौं । काठमाडौंमा पुनः बर्डफ्लु देखिएको छ । काठमाडौंको किर्तिपुरस्थिति दुई ठाउँ र चन्द्रागिरीमा पालिएको टर्कीमा बर्डफ्लु संक्रमण पुष्टि भएको हो ।
पशु सेवा विभागका अनुसार कीर्तिपुरको दुई वटा प्वाइन्ट र चन्द्रागिरीको एक ठाउँमा सोमबार बर्डफ्लु संक्रमण पुष्टि पछि त्यस क्षेत्रका पन्छी नष्ट गर्न टोली खटाइएको छ । सुरूवातमा ८ सयको हाराहारीमा टर्की नष्ट गरिने बताइएको छ ।
विभागले सो क्षेत्रमा संक्रमणलाई शून्य गर्न प्राविधिक खटाएको जानकारी दिएको छ ।
अस्वभाविक रुपमा टर्की मृत्युको सूचना पछि विभागले नमूना संकलन गरेर केन्द्रीय प्रयोगशालामा रियलटाइम पीसीआर विधिबाट गरेको परिक्षण गरिएको थियो । सो परिक्षणबाट बर्डफ्लु पुष्टि भएको हो ।
विभागले अहिले संक्रमण थप फैलन नदिन काम गरिरहेका जनाएको छ ।
विभागले पन्छी नष्ट र निसंक्रमण विधि सकिएपछि बुधबार साँझसम्म विस्तृत विवरण सार्वजनिक गर्ने तयारी भइरहेको जनाएको छ ।