ई-आर्थिक, काठमाडौं । प्रतिनिधिसभाबाट संघीय निजामती सेवा विधेयक पारित भएको छ ।
आज बसेको प्रतिनिधिसभाको बैठकमा छलफलपछि विधेयक पारित गरिएको हो ।
संघीय मामिला तथा सामान्य प्रशासनमन्त्री राजकुमार गुप्ताले विधेयक पारित गरियोस् भन्ने प्रस्ताव पेस गरेलगत्तै सभामुख देवराज घिमिरेले विधेयक बहुमतले पारित भएको घोषणा गरेका हुन् ।
विधेयक पारित हुनभन्दा अधि प्रतिनिधिसभाका सांसदहरुले छलफल गरेका थिए ।
संघीय निजामती सेवा विधेयकमा कर्मचारीहरुको २ वर्ष कुलिङ पिरियड २ वर्ष तथा अवकास अवधि ५८ वर्षबाट बढाएर ६० वर्ष पुगेको छ ।
उक्त विधेयक राष्ट्रिय सभामा गएर पारित भए पछि ऐन बन्नेछ ।