ई-आर्थिक, काठमाडौं । नेपालमा कोरोना भाइरसका एक हजार १७० जना संक्रमित थपिएका छन् । योसँगै हालसम्मका कुल संक्रमित ५५ हजार ३२९ जना भएको स्वास्थ्य तथा जनसंख्या मन्त्रालयले जनाएको छ । हाल सकृय संक्रमितहरू १५ हजार ३९३ जना रहेका छन् ।
आज काठमाडौं उपत्यकामा ५१२ जनामा कोरोनाभाइरस संक्रमण पुष्टि भएको छ । मन्त्रालयका अनुसार काठमाडौंमा ४४०, भक्तपुरमा ४३ र ललितपुर २९ गरी जम्मा ५१२ जनामा संक्रमण पुष्टि भएको हो ।
पछिल्लो चौबीस घण्टामा एकहजार ८७९ जना संक्रमित संक्रमणमुक्त भई घर फर्केका छन् । यससँगै कोरोनाभाइरसबाट निको भएकाहरुको संख्या ३९ हजार ५७६ पुगेको छ । कोरोना संक्रमणमुक्त हुने दर ७१.५ प्रतिशत रहेको छ
हाेम आइसाेलेसनमा सातहजार २७५ सहित कुल १५ हजार ३६० पुगेकाे छ । क्वारेन्टिनमा छहजार ८९२ रहेका छन् ।
यसैगरी पछिल्लो चौबीस घण्टामा १५ जनाकाे मृत्यु भएकाे छ । याेसँगै काेराेना भाइरसका कारण मृत्यु भएका ३६० पुगेकाे छ ।