ई–आर्थिक, काठमाडौं । नेपालमा कोरोना भाइरसका २४६ जना नयाँ संक्रमित भेटिएका छन्। आइतबार काठमाडौं उपत्यकामा ३१ सहित देशभर थप २४६ जनामा कोरोना भाइरस संक्रमण पुष्टि भएको हो । नयाँ थपिएका संक्रमितसँगै नेपालमा कुल संख्या २० हजार ३३२ पुगेको छ ।
यस दिन नयाँ संक्रमित हुनेमा काठमाडौंका २२, ललिपुरका ८ र भक्तपुरका १ जना रहेका छन् ।
स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा आठ हजार ८६१ जनाको स्वाब परीक्षण गरिएको छ। मन्त्रालयका अनुसार पछिल्लो चौबीस घण्टामा १११ जना कोरोनामुक्त भएर घर फर्केका छन् ।
यस्तै, मन्त्रालयका प्रवक्ता डा. जागेश्वर गौतमले पर्साको वीरगन्ज महानगरपालिकाकी ६८ वर्षीया महिलाको शनिबार मृत्यु भएको बताए । उनका अनुसार ती महिलालाई ज्वरो, खोकी स्वासप्रस्वासमा समस्या भएपछि शनिबार नारायणीमा रिफर गर्दा बाटोमै मृत्यु भएको हो । उनी उच्च रक्तचाप र मधुमेहका पनि बिरामी थिए । योसँगै नेपालमा कोरोनाबाट मृत्यु हुनेको संख्या ५७ पुगेको छ ।
नयाँ संक्रमित विवरण :
- पर्सा ८१
- काठमाडौं २२
- सुनसरी १२
- मोरङ १६
- धनुषा ३५
- चिवतन १
- महोत्तरी ५
- सर्लाही २
- बझाङ २
- डोटी १२
- कैलाली १०
- ललितपुर ८
- बर्दिया १
- दार्चुला १
- गोरखा १
- रौतहट २
- सिन्धुली १
- भक्तपुर १
- कास्की ५
- बागलुङ १
- लमजुङ ३
- स्याङ्जा ८
- तनहुँ २
- बर्दिया ९
- नवलपरासीपूर्व ३
- रुपन्देही १