ई–आर्थिक, चितवन । नेपालमा कोरोना संक्रमणबाट मृत्यु हुनेको संख्या बढेर २८ पुगेको छ । कैलालीको गोदावरी नगरपालिका ७ का कोरोना संक्रमित ५० बर्षिय पुरुषको चितवनको भरतपुर अस्पतालमा मृत्यु भएसँगै कोरोनाबाट संक्रमित हुनेको संख्या २८ पुगेको हो । गत बिहीबार राति मात्रै उनमा कोरोना संक्रमण पुष्टि भएको थियो ।
असार १० गते चितवन मेडिकल कलेजमा भर्ना भएका उनको शुक्रबार दिउँसोदेखि स्वास्थ्य अवस्था जटिल बन्दै गएको थियो । स्वासप्रश्वासमा समस्या देखिएपछि उनलाई आइसोलेसन वार्डबाट आईसीयूमा सारिएर उपचार भइरहेको थियो ।
उनलाई असार ११ गते राति ८ बजे भरतपुर अस्पताल रिफर गरिएको थियो । उनी फोक्सोको क्यान्सरका विरामी समेत रहेको अस्पतालले जानकारी दिएको छ ।