ई-आर्थिक, काठमाडौं। नेपालमा थप ४५१ जना कोरोनाबाट संक्रमित भएका छन् । जसमध्य ४१६ जना पुरूष र ३५ जना महिला रहेका छन् । योसँगै नेपालमा संक्रमितको संख्या ६ हजार २११ पुगेको छ ।
साेमबार आयोजित नियमित प्रेस ब्रिफिङमा स्वास्थ्य तथा जनसङ्ख्या मन्त्रालयका प्रवक्ता डा. जागेश्वर गौतमले साे कुराकाे जानकारी दिए ।
त्यसैगरी बितेको २४ घण्टामा थप ६७ जना संक्रमणमुक्त भएका छन् । जसमा ७ महिला र ७० पुरुष रहेका छन् । योसँगै नेपालमा कोरोना जित्नेको जम्मा संख्या १०४१ पुगेको गौतमले जानकारी दिए ।
नेपालमा कोरोना भाइरसको परीक्षण गर्नको लागि पोखरामा थप एउटा पीसीआर उपकरण जडान गरिएको छ । योसँगै नेपालमा २२ वटा पीसीआर उपकरणले देशका विभिन्न स्थानबाट जम्मा गरिएका स्वाब परीक्षण हुँदै आएको छ ।