२१ भदौ, काठमाडौँ । नेपाल इन्भेष्टमेन्ट बैंकले ४० प्रतिशत लाभांस बितरण गर्ने घोषणा गरेको छ ।
बैंकको बुधबार बसेको सञ्चालक समिति बैठकले २५ प्रतिशत बोनस र १५ प्रतिशत नगद लाभांश दिने घोषणा गरेको हो ।
सञ्चालक समितिको निर्णयलाई नेपाल राष्ट्र बैंक र आगामी वार्षिक साधारण सभाले अनुमोदन गर्न भने बाँकी छ ।अघिल्लो वर्ष पनि बैंकले २० प्रतिशत बोनस र २१ प्रतिशत नगद लाभांश दिएको थियो ।
गत वर्षको चौथो त्रैमाससम्ममा इन्भेष्टमेन्ट बैंकको चुक्ता पुँजी ९ अर्ब २४ करोड ३ लाख ७९ हजार रुपैयाँ छ । यसको रिजर्भ कोष ११ अर्ब ७८ करोड १ लाख ७९ हजार रुपैयाँ पुगेको छ । बैंकले ३ अर्ब १६ करोड ६९ हजार रुपैयाँ खुद नाफा कमाएको छ । बैंकको प्रतिसेयर आम्दानी ३४ रुपैयाँ २० पैसा र प्रतिसेयर नेटवर्थ २२७ रुपैयाँ ४९ पैसा छ ।