छ्याङदीको शेयर कारोबार खुल्यो, कति तोकियो मूल्य ?

१९ साउन, काठमाडौं । छ्याङदी हाइड्रोपावर कम्पनीको शेयर कारोबार खुला भएको छ ।

कम्पनीको पहिलो शेयर कारोबार ९८ रुपैयाँदेखि २ सय ९४ रुपैयाँसम्ममा गर्न सकिने भएको छ ।

कम्पनीले गत जेठ १४ देखि १८ गतेसम्म १०० रुपैयाँ दरको ५ लाख ४० हजार कित्ता आइपीओ बिक्री गरेको थियो । यसको बाँडफाँट असार १७ गते भएको हो । यसमा लगानीकर्ताले न्यूनतम १० कित्तादेखि अधिकतम ३४ कित्तासम्म शेयर पाएका थिए ।

नेप्सेको नियम अनुसार कम्पनीले पहिलो कारोबारको लागि नेटवर्थको ३ गुणासम्म मूल्य पाउने गर्छ ।