हरिहर भण्डारी
प्रबन्ध निर्देशक, हिमालयन अनलाइन सर्भिस प्रा. लि.
इन्टरनेट सम्बन्धि सेवा प्रदान गर्दै आएको हिमालयन अनलाइन सर्भिस (हन्स) ले आफ्नो सेवा सुरु गरेको १८ बर्ष भएको छ । यसबीचमा कम्पनीले हजारौं इन्टरनेट सेवाग्राहीहरुको मन जितेको छ । कम्पनीले हालसम्म दिइरहेको सेवा र भावि दिनमा गर्ने सेवाको वारेमा कम्पनीका प्रबन्ध निर्देशक हरिहर भण्डारीसँग गरिएको कुराकानी यहाँ प्रस्तुत गरिएको छ ।
हिमालयन अनलाइन सर्भिस (हन्स) स्थापना भएको कति भयो ? स्थापनाको उद्देश्यहरु के–के छन् ?
हिमालयन अनलाइन सर्भिस (हन्स) स्थापना भएको १८ बर्ष भयो । ग्राहकहरु माझ गुणस्तरीय इन्टरनेट सेवा दिने उद्देश्यले यस कम्पनीको स्थापना भएको थियो ।
स्थापनाको उद्देश्य पुरा गर्न हन्स कत्तिको सफल भएको छ ?
कम्पनी जुन उद्देश्यले स्थापना भएको थियो । त्यो उद्देश्य क्रमशः पूरा भइरहेको छ । कम्पनीका ग्राहक दिन प्रतिदिन बढिरहेकाले पनि यो कुराको पुष्टि गर्दछ । ग्राहक संख्या बृद्धि हुनु भनेको आफ्नो उद्देश्यमा सफल भएको हामी मान्यता राख्छौं ।
हन्सका सेवाहरु के–के छन ?
वायरलेस, फाइवर, केवल, टि.भी. हन्सले हाल दिइरहेका सेवाहरु हुन ।
विशेषताहरुको बारेमा बताइदिनोसन् ?
हन्स युवाहरुद्वारा सञ्चालित कम्पनी हो । हाम्रो सेवालाई पनि युवाहरुकै स्प्रिटमा लिएर अगाडि बढाएका छौं । ग्राहकको आवश्यकतालाई बुझेर सोही अनुसारको मागलाई सम्बोधन गर्न हन्स सँधै तत्पर र सक्षम पनि रहेको छ । ग्राहकका सन्तुष्टिका लागि हन्सले हर संभव प्रयास गर्दछ ।
हन्सले कस्ता ग्राहकहरुलाई सेवा लक्षित गरेको छ ? हालसम्म कति र कस्ता ग्राहकहरुलाई सेवा प्रदान गरिरहेको छ ?
हन्सको सेवा गुणस्तरीय र प्रभावकारी रहेको छ । सरल, गुणस्तरीय र प्रभावकारी सेवा उपयोग गर्ने सबैखाले ग्राहकहरुले हन्सको सेवा लिइरहेका छन् । हन्सका हालसम्म ८ हजार बढी प्रयोगकर्ता ÷ ग्राहकहरु रहेका छन् । यी सबै सेवा प्रयोगकर्ताहरुलाई हन्सले गुनासो रहित पूर्ण सन्तुष्टि प्राप्त हुने किसिमले हन्सले सेवा प्रदान गरिरहेको छ ।
कम्पनीले कति ग्राहकलाई सेवा प्रदान गर्न सक्छ ? लक्ष्य कतिलाई सेवा दिने हो ?
ग्राहकहरुलाई सेवा दिने हाम्रो क्षमताको दायरा ठूलो छ । हामीले माग अनुसारको सेवा दिन सक्छौं । हालको हाम्रो लक्ष्य भनेको २० देखि २५ हजार ग्राहकलाई सेवा दिने हो ।
नेपाली बजारमा इन्टरनेट सेवा प्रदायक संस्था कति छन ? यो क्षेत्रमा प्रतिस्पर्धा कस्तो रहेको छ ?
हाल नेपाली बजारमा इन्टरनेट सेवा प्रदायक संस्थाहरु ४२ वटा भन्दा रहेका छन् । ग्राहकहरुको तुलनामा कम्पनीहरु अलि बढी भएको हुनाले यो व्यवसायमा अस्वस्थ प्रतिस्पर्धा बढिरहेको छ ।
प्रतिस्पर्धी बजारमा ग्राहकहरुलाई आकर्षित गर्ने हन्सका राम्रा पक्षहरु के–के छन ?
प्रतिस्पर्धी बजारमा ग्राहकवर्गलाई आकर्षित गर्ने हन्सले इन्टरनेटको महत्व र गुणस्तर सम्बन्धि जानकारी दिने गरिएको छ । त्यसैगरी खाली सस्तो र हाम्रो भन्दा पनि गुणस्तरीय र राम्रो अनी बजेट अनुसारको सेवा दिने हाम्रा र राम्रा पक्षहरु छन् ।
इन्टरनेट सेवा प्रदायक संस्थाको चुनौति र समस्याहरु के–के छन ?
आवश्यकता अनुसारको जनशक्ति नहुनु, पूर्वाधारहरुको राम्रो विकास नहुनु इन्टरनेट सेवा प्रदायक संस्थाहरुमा देखिका समस्या रहेका छन् ।
यो व्यवसाय सञ्चालन गर्न सरकारी निकायबाट कस्तो सहयोग रहेको छ ?
पहिलाको तुलनामा सरकारी पक्ष (निकाय) बाट केही आशाका किरणहरु देखा परेका छन् । तर पर्याप्त सहयोग भएको चाँही छैन । अपेक्षा चाँही पर्याप्त तथा आवश्यक वातावरणका साथै नीतिगत अन्यौलताको अन्त्य नै हो । निजीक्षेत्रले इन्टरनेटका ग्राहकहरुलाई विश्वस्तरिय सेवा प्रदान गरेका छ । हामी माग अनुसारको सेवा दिन सक्षम र तत्पर छौं । सरकारको तर्फवाट पहिला र छिटो कदम चाल्नु पर्दछ ।
हन्सका भावि योजना तथा कार्यक्रमहरु के–के छन् ?
हन्स हाल आफ्ना सेवाहरु विभिन्न जिल्लामा पु¥याउन व्यवस्त छ । त्यस सँगसँगै माग भई आएको ठाउँहरुमा पनि आफ्नो सेवा विस्तार गर्दै लैजाने योजनामा हामी रहेका छौं ।