७ जेठ, काठमाडौं । साताको पहिलो दिन सेयर बजार दोहोरो अंकले घटेको छ । आइतबार नेप्से परिसुचक १६.६३ अंकले घटेर १६२७ बिन्दुमा पुगेको हो । यस दिन कारोबार रकम समेत घटेर ६८ करोड १९ लाखमा सिमित भएको छ ।
यस दिन उत्पादनमुलक तथा ‘अन्य’ समुह बाहेक सबै समूहको परिसूचक घटेको छ । यो दिन १४६ कम्पनीको ११ लाख ९७ हजार कित्ता सेयर ६८ करोड १८ लाख रुपैयाँ बढीको कारोबार भएको छ । बजारमा आएको गिरावटसँगै उत्पादन तथा प्रशोधन र अन्य समूहको परिसूचक उकालो वलागेका छन भने बाँकी सबै समूहको परिसूचक ओरालो लागेको छ ।
यस दिन उत्पादन तथा प्रशोधन समूहको परिसूचक ५४.४६ र अन्य समूहको शून्य दशमलव ८७ अंंकले उकालो लागेको छ ।
त्यसै गरी बैंकिङ समूहको परिसूचक १८.६९, होटेल ४९.६९, विकास बैंक १५.२३, जलविद्यूत २२.२३, वित्त ६.५१ र बिमा समूहको परिसूचक १०४.८७ विन्दुले घटेको छ ।