विकास बिरोधीहरुको बन्द भन्दै उपत्यकाबासीहरुले नै गरे प्रतिकार सडकमा बन्दको अबज्ञा गर्दै सवारीसाधान सहित सर्वसाधारणको उपस्थिति बाक्लिदै

उपत्यका भित्रका सडक विस्तारका विरोधीहरुले आव्हान गरेको उपत्यका बन्द आव्हानलाई सर्वसाधारणहरुका साथै उपत्यकाबासीहरुले नै प्रतिकार गरेका छन् । सडक विस्तार जस्तो विकास विरोधीहरुको बन्द भन्दै सर्बसाधारणहरुले प्रतिकार गरेका हुन् । प्रतिकार गरी सडकमा आफ्ना साधान चलाउनेहरु अधिकांशले बन्दकर्ताहरुलाई विकास विरोधीको संज्ञा दिएका छन् ।
चिसो हटेसँगै सडकमा विस्तारै ट्याक्सी, मोटरसाइकल, भाडाका केही सवारीसाधन बढिरहेका छन् । सडकमा सुरक्षा व्यवस्था चुस्त दुरुस्त पारिएकाले पनि बन्द विरोधीहरु निर्धक्क छन् । राजधानीका मूख्य सडकमा कही त्यस्तो बन्दकर्ताहरुको उपस्थिति देखिएको छैन । साझा यातायातका साथै अन्य भाडाका सवारीसाधनहरु समेत सडकमा थपिदै गएका छन् । साझा, नेपाली सेना, नेपाल प्रहरी, सशस्त्रलगायतका पेट्राेल पम्पहरु समेत खुल्ला रहेका छन् ।
सडक विस्तारका क्रममा आफूहरु पीडित भएको भन्दै उनीहरु संगठित भई आन्दोलन घोषणा गरेका थिए । हाल उपत्यका भित्रका त्यस्ता विभिन्न २२ ठाउँका पीडितहरुको संगठन नै बनेको छ । उनीहरुले मुअब्जा नदिई सडक विस्तार गरेको भन्दै संघर्ष समिति नै बनाएका छन् । उनीहरु १० सुत्रिय माग राखी आन्दोलनमा उत्रिएका छन् ।