११ चैत, काठमाडौं । प्रभु बैङ्कको सेयर विक्री प्रबन्धकमा एनसीएम मर्चेण्ट बैङ्किङ नियुक्त भएको छ ।
बैङ्कको १५औं वार्षिक साधारणसभाबाट पारित भएको ४० प्रतिशत हकप्रद सेयर निष्कासनका लागि विक्री प्रबन्धकमा एनसीएमलाई नियुक्त गरिएको बैङ्कले जनाएको छ ।
प्रभु बैङ्कका प्रमुख कार्यकारी अधिकृत अशोक शेरचन र एनसीएमका प्रमुख कार्यकारी अधिकृत विजयलाल श्रेष्ठले बिहीवार सोसम्बन्धी सहमतिपत्रमा हस्ताक्षर गरेका हुन् ।