काठमाडौं। ठगी अभियोगमा धनुषा जनकनन्दिनी गाउँपालिका-२ का रिजवान शेष पक्राउ परेका छन्।
वैदेशिक रोजगारीमा आकर्षक तलबको प्रलोभनमा पारी बेलायत पठाइदिन्छु भन्दै ७ लाख रूपैयाँ ठगी गरेको अभियोगमा शेषलाई पक्राउ गरिएको केन्द्रीय प्रहरी समाचारकक्षले जानकारी दिएको छ। पीडितको उजुरीका आधारमा काठमाडौं महानगरपालिका-३१ बाट पक्राउ गरिएको हो।
उनलाई आवश्यक अनुसन्धान तथा कारबाहीको लागि वैदेशिक रोजगार विभाग ताहाचल काठमाडौं पठाइएको छ।