काठमाडौं । राष्ट्रपति रामचन्द्र पौडेलले राष्ट्रियसभाको अधिवेशन आव्हान गरेका छन् ।
नेपाल सरकार मन्त्रिपरिषद्को सिफारिसमा राष्ट्रपति पौडेलले संवैधानिक व्यवस्था अनुसार राष्ट्रियसभाको अधिवेशन आव्हान गरेका हुन् । शीतल निवासका अनुसार संवत् २०८२ साल माघ ४ गते आइतबार बिहान ११ बजे संघीय संसद सचिवालय, सिंहदरबारमा राष्ट्रियसभाको अधिवेशन बस्नेछ।
राष्ट्रपति पौडेलले नेपालको संविधानको धारा ९३ को उपधारा (१) बमोजिम नेपाल सरकार मन्त्रिपरिषद्को मिति २०८२/०९/२८ को सिफारिसमा उक्त अधिवेशन आव्हान गर्नुभएको शीतल निवासले जनाएको छ।
