ई–आर्थिक, जनकपुर । जनकपुरमा कल सेन्टर चलाएर ठगी गरेको आरोपमा २३ जना पक्राउ परेका छन् ।
जनकपुरधामको पिडारीचौकस्थित वीरबहादुर राउतको घरको दोस्रो तलामा गैरकानुनी रुपमा कल सेन्टर संचालन गरी अनलाइन ठगी गरेको आरोपमा प्रहरीले ९० थान कम्प्युटरसहित ९ महिलागरि २३ जनालाई पक्राउ गरेको हो।
उनीहरूको साथबाट दुईवटा मोटरसाइकल पनि बरामद गरिएको धनुषा प्रहरीले जनाएको छ। उक्त कल सेन्टरका मुख्य संचालक भने फरार भएका छन्। उनको खोजी भइरहेको प्रहरीले जनाएको छ ।