विराटनगर। यातायात व्यवस्था कार्यालय विराटनगरले आर्थिक वर्ष २०८२/८३ मा कुल ४८ करोड ९८ लाख २७ हजार १८७ रूपैयाँ राजस्व संकलन गरेको छ।
रुट पर्मिटबाट एक करोड १४ लाख ३१ हजार ८३०, अन्य सेवा शुल्कबाट ७५ लाख ५१ हजार, व्यवसाय रजिष्ट्रेसन दस्तुरबाट एक लाख २८ हजार ३ सय र चालक अनुमति पत्रबाट आठ करोड ५३ लाख ३३ हजार ४७५ रूपैयाँ राजस्व उठेको छ।
यस्तै, दण्ड जरिवाना र जफतबाट एक लाख तीन हजार एकसय र सवारीसाधान करबाट ३८ करोड ५२ लाख ७९ हजार ४८२ रूपैयाँ जम्मा भएको सूचना अधिकारी लेखप्रसाद आचार्यले जानकारी दिए। रासस