ई–आर्थिक, काठमाडौं । मानुषी लघुवित्त वित्तीय संंस्थाले निष्काशन गरेको आईपीओ आज (सोमवार) बाँडफाँट गरेको छ ।
विक्री प्रबन्धक नेपाल एसबीआई मर्चेन्ट बैंकिङ कार्यालयमा सो आईपीओ बाँडफाँट भएको हो । कम्पनीको प्रि–अलोटमेन्ट भने गत बिहीवार नै सम्पन्न भइसकेको छ ।
मागभन्दा अत्याधिक आवेदन परेकाले कम्पनीको आईपीओ गोलाप्रथाबाट बाँडफाँट भएको थियो ।
यस लघुवित्तको आइपीओमा २४ लाख ३ हजार ५५ जना आवेदकबाट कुल ३ अर्ब ६ करोड ३२ लाख ४३ हजार रुपैयाँ बराबरको आवेदन परेको थियो ।
यस आधारमा सर्वसाधारणलाई विक्री गरिएको ३ लाख ६८ हजार ५९३ कित्तालाई आधार मान्दा ३६ हजार ८५९ जना आवेदकले १० कित्ताका दरले शेयर हात पारेका छन् ।
कम्पनीले गत साउन २७ गतेदेखि ३१ गतेसम्म ३ लाख ९३ हजार ७५० कित्ता आईपीओ निष्कासन गरेको थियो ।
जसमध्ये ५ हजार ४६९ कित्ता कर्मचारीको लागि,१९ हजार ६८८ कित्ता म्युचुअल फण्डलाई छुट्याइएको थियो भने बाँकी रहेको ३ लाख ६८ हजार ५९३ कित्ता आईपीओ सर्वसाधारणको लागि निष्कासन गरिएको थियो ।