ई-आर्थिक, काठमाडौं । गृह मन्त्रालयले ७७ वटै जिल्ला प्रशासन कार्यालयहरुबाट जारी भएका सबै सवारी पास खारेज गरेको छ । जिल्लाभित्र सवारी सञ्चालन गर्न दिइएको पास पनि खारेज गर्ने निर्णय गरेको छ ।
गृहमा बिहीबार बसेको बैठकले जिल्लाभित्र सवारी सञ्चालन गर्न दिइएको पास खारेज गर्ने निर्णय गरेको हो । मन्त्रालयले यसअघि जिल्ला बाहिरका लागि जारी गरिएका पासहरु बिहीबारबाट खारेज गरिसकेको छ ।
जेठ ३ गतेदेखि लागू हुने गरी सम्बन्धीत जिल्ला भित्र र बाहिर आवगमन गर्न दिइएका सवारी पास खारेज गरिएको हो।
अबदेखि लिइने पासहरु गृह मन्त्रालयको अनुमतिमा मात्रै जारी गरिने बताईएको छ । प्रेसको हकमा पनि सूचना विभागबाट जारी गरिएको पासबाट आवगमन दिइने जनाईएको छ ।