काठमाडौं । राष्ट्रियसभाको अध्यक्षमा वाम गठबन्धनको तर्फबाट सांसद गणेशप्रसाद तिमल्सिनाले उम्मेदवारी दर्ता गरेका छन् । राष्ट्रिय सभा अध्यक्षको उम्मेदवारमा वाम गठबन्धनका तर्फबाट एमाले सांसद गणेश तिमिल्सिनाको मात्रै मनोनयन परेपछि उनी निर्विरोध निर्वाचित हुने पक्कापक्की भएको छ ।
आज दिउँसो १ बजेसम्म राष्ट्रिय सभाको अध्यक्षका लागि उम्मेदवारी दर्ता गर्ने समय रहेको थियो। सो पदमा उनको मात्रै एकल उम्मेद्वारी परेको छ ।
उनी प्रदेश ४ बाट राष्ट्रिय सभाका सांसद बनेका थिए । एमालेका पोलिटव्यूरो सदस्यसमेत रहेका तिमल्सिना सो पदमा विजय हुने निश्चित प्रायः छ ।
राष्ट्रिय सभामा कुल ५९ जना सांसद रहेका छन् । ती मध्ये ५६ जनाले मात्र मतदान प्रकृयामा सहभागिता जनाउन पाउने छन् । एमालेबाट २७, कांग्रेस १३, माओवादी १२, फोरम र राजपाका २/२ जना सांसद रहेका छन् ।