काठमाडौं । एयर बंगलाको दुर्घटनाग्रस्त विमानबा हालसम्म १७ जना मात्रै जिवित पाइएको छ । जहाज दुर्घटनमा परेकाको शव निकालिदै छ । निकालिएको शवलाई नजिकैको रनवेमा राखिएको छ ।
दुर्घटनामा परेको विमानमा ६७ यात्रु र चार चालक दलका सदस्य गरी ७१ जना थिए ।
घाइतेहरुलाई नजिकैको काठमाडौं मेडिकल कलेज सिनामंगल, नर्भिक अस्पताललगायतमा उपचारको लागि लगिएको छ।
उद्दार कार्य जारी रहेको उद्दारमा संलग्न सुरक्षाकर्मीले जानकारी दिएका छन् ।
बंगलादेशको ढाकाबाट काठमाडौं आएको एयर बंगालको विमान दुर्घटनाग्रस्त भएको थियो । विमान अवतरणका क्रममा रनवे वाहिर गएपछि उक्त जहाज दुर्घटनामा परेको हो ।
ढाकाबाट आएको ड्यास–८ विमान दिउँसो २ बजेर २० मिनेट जाँदा अवतरणको क्रममा रनवे बाहिर पुगेर दुर्घटना भएको हो।
आकाशबाट एकै पटक तल ओर्लियो, ल्याण्ड नभइ साँखुतिर हान्निएको प्रत्यक्षदर्शी पेप्सीकोलाका रणबहादुर कार्कीले बताए । उक्त जहाज फेरी फर्केर घरतिरै ठोक्किएल झै यता उती गरेको उनको भनाई छ । उक्त जहाज फेरि मोडेर चावहिलतिरबाट ल्याण्ड भएको एकै छिन्मा दुर्घटनामा परेको थियो । दुर्घटनामा परेसँगै विमानमा धुवाको मुस्लो आएको थियो ।
यसैबिच अहिले सो विमान दुर्घटना पछि विमानस्थल पूर्ण रुपमा बन्द गरिएको छ । अहिले उडान र अवतरण सबै उडानहरु रोकिएका छन् । आन्तरिक तथा अन्तर्राष्ट्रिय सबै उडान तथा अवतरण रोकिएका नागरिक उडड्यन प्राधिकरण स्रोतले जानकारी दिएका छन् ।