१९ भदौ, काठमाडौं । सानिमा बैंकले गतबर्षको कमाईबाट आफ्ना लगानीकर्तालाई १६ प्रतिशत बोनस शेयर दिने भएको छ ।
बैंकको शुक्रबार बसेको सञ्चालक समिति बैठकले शेयरधनीहरुलाई १६ प्रतिशत बोनस दिने निर्णय गरेको हो । बैंकले गत आर्थिक वर्षमा एक अर्ब ३० करोड एक लाख ५८ हजार रुपैयाँ खुद नाफा कमाएको थियो ।
सञ्चालक समितिको निर्णयलाई आगामी नेपाल राष्ट्र बैंक र वार्षिक साधारण सभाले अनुमोदन गरेपछि मात्र बोनस पाइनेछ । बैंकले कर तिर्न नगद लाभांश भने दिएको छैन ।जसले गर्दा शेयरधनीले बोनसमा लाग्ने कर आफैले तिर्नुपर्ने भएको छ ।
हाल बैंकको चुक्ता पुँजी ६ अर्ब ८९ करोड ७६ लाख ३४ हजार रुपैयाँ छ । बोनस पछि बैंकको चुक्ता पुँजी ८ अर्ब १२ लाख ५५ हजार रुपैयाँ पुग्नेछ । सानिमाको प्रतिशेयर आम्दानी १८ रुपैयाँ ८५ पैसा र प्रतिसेयर नेटवर्थ १३१ रुपैयाँ ३२ पैसा छ ।