काठमाडौं । नागरिक लगानी कोषको २१ औं साधारणसभाले आफ्ना शेयरधनीहरुलाई २१.८५ प्रतिशत बोनस दिने प्रस्ताव पारित गरेको छ । साथै, कम्पनीले कर प्रयोजनको लागि १.१५ प्रतिशत नगद लाभांस दिने भएको छ ।
आ.ब २०७१र७२ मा कोषले ४८ करोड ६८ लाख रुपैयाँ आम्दानी गरेको छ । यो अघिल्लो बर्षको तुलनामा ३१ दशमलव २१ प्रतिसत बढि हो । आम्दानीमा कुल खर्च,कर अघिको नाफा र आयकर कटाएपछिको खुद नाफा १८ करोड ६१ लाख ४६ हजार रुपैया रहेको छ ।
सभाले कोषमा नयाँ संचालकहरु चयन गरेको छ । सर्वसाधरण शेयरधनीको तर्फबाट अशोक बुढाथोकी र अन्य बित्तिय संस्था समुहबाट नेपाल लाइफ इन्स्योरेन्सका प्रतिनिधि कमलेश कुमार अग्रवाल निर्विरोध निर्वाचित भएका कोषका सूचना अधिकृत उद्धव सिलवालले बताए । निर्वाचित संचालकको अवधि ५ बर्ष रहने छ ।