१८ भदौ, काठमाडौं । काबेली विकास बैंकले ५० प्रतिशत हकप्रद शेयर निष्कासन गरेको छ ।
बैंकले आइतबार (आज) देखि २ः१ अनुपातमा १०० रुपैयाँ दरको ३ लाख ५० हजार ८८० कित्ता हकप्रद बिक्रीमा ल्याएको हो । यसमा साउन १८ गतेसम्म कायम शेयरधनीले मात्र असोज २१ गतेसम्म आवेदन दिन सक्नेछन्।
बैंकको हकप्रद बिक्री प्रबन्धकमा ग्लोबल आइएमई क्यापिटल रहेको छ । लगानीकर्ताले बिक्री प्रबन्धकको कार्यालय नाचघर जमल तथा ग्लोबल आइएमई बैंकको वीरगंज, इटहरी, जनकपुर, नारायणघाट, पोखरा, नेपालगंज र बुटवल शाखाबाट हकप्रदका लागि आवेदन दिन सक्नेछन् ।
यसैगरी, काबेली विकास बैंकको धनकुटा स्थित रजिष्टर्ड कार्यालय तथा धनकुटा जिल्लाकै हिले, बुधबारे, राजारानी र सिधुवा शाखाबाट पनि आवेदन दिन पाइनेछ ।
हाल काबेलीको चुक्ता पुँजी ७ करोड १ लाख ७६ हजार रुपैयाँ छ । हकप्रदको बिक्रीपछि बैंकको चुक्ता पुँजी १० करोड ५२ लाख ६४ हजार रुपैयाँ पुग्नेछ । गत आर्थिक वर्षको चौथो त्रैमासमा बैंकले २ करोड ३४ लाख ५५ हजार रुपैयाँ खुद नाफा कमाएको छ ।