९ भदौ, काठमाडौँ । नेपाल स्टक एक्सचेन्जले शुक्रबार एकै दिन पाँच वटा कम्पनीको बोनस र हकप्रद शेयरको मूल्य समायोजन गरेको छ ।
नेप्सेले सूर्या लाइफ इन्सुरेन्स, किसान माइक्रोफाइनान्स र अरुण भ्याली हाइड्रोपावरको बोनस शेयरको भाउ समायोजन गरेको हो । यसैगरी, समिट माइक्रोफाइनान्स र सिन्धु विकास बैंकको हकप्रदमा मूल्य समायोजन गरिएको छ ।
नेप्सेका अनुुसार सूर्या लाईफ इन्स्योरेन्स कम्पनीको १० प्रतिसत बोनस समायोजन गरी प्रतिकित्ता शेयर मुल्य एक हजार ६८ रुपैयाँ तोकेको छ । पछिल्लो पटक ११ सय ७५ रुपैयाँ अन्तिम मुल्यमा प्रतिकित्ता शेयर कारोवार भएको कम्पनीको बोनस शेयर समायोजनको लागि एक हजार ४१ रुपैयाँलाई आधार मुल्य मानेको थियो ।
किसान माईक्रो फाईनान्सले पनि आज २४ दसमलव २२ प्रतिसत हकप्रदको मुल्य समायोजन गरी २५ सय ९६ रुपैयाँलाई प्रतिकित्ता शेयरको आधार मुल्य तोकेको छ । नेप्सेका अनुसार उक्त कम्पनीले १८ सय ७७ रुपैयाँलाई प्रतिकित्ता शेयरको आधार मुल्य तोकेको थियो ।
अरुण भ्याली हाईड्रो पावर कम्पनीले पनि १० प्रतिसत बोनस समायोजन गरी दुुई सय ४४ रुपैयाँलाई प्रतिकित्ता शेयर मुल्य तोकेको छ । यसको लागि कम्पनीले प्रतिकित्ता तीन सय १४ रुपैयाँलाई आधार मुल्य तोकेको छ ।
यसैगरी सोही दिन समिट माईक्रो फाईनान्स डेभलपमेन्ट बैकले पनि एक सय प्रतिसत हकप्रद शेयर समायोजन गरी १९ सय पाँच रुपैयाँलाई प्रतिकित्ता शेयर मुल्य तोकेको छ । यसको लागि कम्पनीले १७ सय ७६ रुपैयाँलाई आधार मुल्य तोकेको छ ।
क्षेत्रियस्तरको सिन्धुु बिकास बैकले पनि ८० प्रतिसत हकप्रद शेयर समायोजन गरी प्रतिकित्ता शेयर मुल्य दुुई सय २२ रुपैयाँ तोकेको छ । यसको लागि बैकले दुुई सय ८८ रुपैयाँलाई प्रतिकित्ता शेयरको आधार मुल्य तोकेको छ ।