२१ जेठ, काठमाडौं । युनाइटेड फाइनान्स लिमिटेडको हकप्रद शेयर जेठ २१ गते धितोपत्र बोर्डमा स्वीकृत भएको छ । कम्पनीले १०० रुपैयाँ दरको १३ करोड ४५ लाख ४१ ह्जार ९५ रुपैयाँ बराबरको १३ लाख ४५ हजार ४१०.९५ कित्ता हकप्रद शेयर निष्काशन गर्न अनुमति पाएको हो ।
कम्पनीले धितोपत्र बोर्डमा हकप्रदको लागि चैत २९ गते निवेदन दिएको थियो । कम्पनीको बिक्री प्रबन्धक नविल इन्भेष्टमेण्ट बैंकिङ लिमिटेड रहेको छ ।
हाल कम्पनीको चुक्ता पुँजी ६७ करोड २७ लाख ५ हजार रुपैयाँ छ । चालु आर्थिक वर्षको तेस्रो त्रैमासमा कम्पनीले ८ करोड ५० लाख ७९ हजार रुपैयाँ खुद नाफा कमाएको छ ।