ई–आर्थिक, काठमाडौं । नेपाल इन्भेष्टमेन्ट बैंक लिमिटेडको पूर्ण स्वामित्वमा रहेको एनआईबीएल एस क्यापिटल लिमिटेडले आफ्ना ग्राहकवर्गहरुको लागि विशेष योजना ल्याएको छ ।
उक्त योजना अनुसार एनआईबिएल एस क्यापिटल लिमिटेडमा हितग्राही खाता निःशुल्क खोलिने र हितग्राही खाता खोल्ने ग्राहक महानुभावहरुलाई गोलाप्रथाद्वारा मासिकरुपमा १० जना भाग्यशाली विजेताहरुलाई, नेपालकै पहिलो खुलामुखी योजना, एनआईबीएल सहभागिता फण्डको १०० इकाई उपहार दिइने जानकारी गराइएको छ ।
यो योजना २०७८ साल श्रावण २० गते देखि २०७८ साल कार्तिक २० सम्मको लागि लागु हुने कम्पनीले जानकारी दिएको छ ।
एनआईबिएल एस क्यापिटल लिमिटेडले आफ्नो सेवा प्रवाहलाई झन्झहट रहित सरल एवं सहज बनाउने उद्देश्य सहित हितग्राही खाता खोल्न तथा मेरो शेयर दर्ता विद्मुतिय प्रणालीमार्फत सहज रुपमा गरिरहेको जनाएकोे छ ।