ई–आर्थिक, काठमाडौं । नबिल र नेपाल बंगलादेश बैंकले यही असार २७ गतेबाट एकीकृत कारोबार सुरु गर्ने भएका छन् । नबिल बैंकको नामबाट एकीकृत कारोबार हुन लागेको बैंकले जानकारी दिएको छ ।
दुई बैंकको जेठ ७ गते सम्पन्न सभाले एक्विजिसन प्रस्ताव पारित गरेको थियो । केन्द्रिय बैंकले यी दुई बैंकको एक्विजिसनको लागि असार १५ गते अन्तिम स्वीकृति दिएको थियो ।
नेपाल बंगलादेश बैंकको १०० कित्ता सेयर हुनेले एक्विजिसनपछि बन्ने नबिल बैंकको ४३ कित्ता सेयर पाउनेछन् । नबिल बैंकले केही दिन अघि मात्रै बंगलादेशका निवर्तमान प्रमुख कार्यकारी अधिकृत (सीइओ) ज्ञानेन्द्र ढुंगानालाई सीइओ नियुक्त गरिसकेको छ ।
