ई–आर्थिक, काठमाडौं । नेपाल स्टक एक्सचेञ्ज लिमिटेड (नेप्से) को निमित्त प्रमुख कार्यकारी अधिकृत (सीईओ) मा निरन्जन फुयाललाई नियुक्ती गरिएको छ । तत्कालिन प्रमुख कार्यकारी अधिकृत चन्द्र सिंह साउदले गत भदौ ८ गते राजीनामा दिएसँगै रिक्त भएपछि निमित्तको सीईओको रुपमा फुयाललाई नियुक्ती गरिएको हो ।
सर्वोत्तम सिमेन्टको शेयर खरीद प्रकरणको अनुसन्धान प्रक्रियामा सहयोग पुर्याउन भन्दै तत्कालिन सीईओ साउदले राजिनामा दिएका थिए ।
नेप्सेको सञ्चालक समितिले अर्को व्यवस्था नभएसम्मका लागि फुयाललाई निमित्त सीईओको जिम्मेवारी दिएको हो ।
नियमित कार्य सुचारु राख्नका निम्ति नेप्सेका उच्च तहमा रहेका फुयाललाई निमित्त प्रमुख कार्यकारी अधिकृतको जिम्मेवारी दिइएको नेप्सेले जानकारी दिएको छ ।