ई–आर्थिक, काठमाडौं । हुण्डी कारोवार गरेका अभियोगमा मोरङ प्रहरीले तीन जनालाई पक्राउ गरेको छ । २२ लाख नगद सहित तीन अभियुक्त पक्राउ परेका जिल्ला प्रहरी कार्यालय मोरङले जनाएको छ ।
पक्राउ पर्नेमा विराटनगर महानगरपालिका वडा नं १३ निवासी २५ वर्षीय श्रवण साह नेपाली रु २१ लाख ७१ हजार ५०० र मोरङ रंगेली नगरपालिका वडा नं १ बबियाबिर्ता निवासी २५ वर्षीया जिज्ञासा चौधरी भारतीय रु २३ हजारसहित तथा विराटनगर– १३ निवासी २३ वर्षीय अमृतकुमार साह पक्राउ परेका हुन् ।
निजहरुलाई विभिन्न बैंकका चेक, रसिद र नगदसहित राजस्व अनुसन्धान कार्यालय इटहरी सुनसरी पठाइएको प्रहरी प्रवक्ता मानबहादुर राईले बताए ।