ई–आर्थिक, काठमाडौं । माछापुच्छ्रे बैंकका पुर्व सिइओ एवं बैंकर निरज श्रेष्ठको निधन भएको छ । कोरोना संक्रमणका कारण उनको निधन भएको हो । लामो समय बैंकिङ क्षेत्रमा समय विताएका उनी माछापुच्छ्रे बैंकका पुर्व प्रमुख कार्यकारी अधिकृत (सीईओ) समेत थिए ।
माछापुच्छ्रे बैंकमा आउनु अघि उनी ग्लोवल आईएमई बैंकमा कार्यरत थिए । पूर्व सीईओ श्रेष्ठको बुधबार विहान निधन भएको हो । कोरोनाकै कारण एक दिन अगाडी मात्र उनको बुबाको निधन भएको बुझिएको छ ।