रेष्टुरेन्टबाट टेक वे सेवामात्रै, सार्वजानिक र निजी यातायातका सवारी पूर्ण रुपमा बन्द
ई–आर्थिक, काठमाडौं । कोरोना संक्रमणको बृद्धि र त्राससँगै सरकारले काठमाडौं उपत्यकामा आगामी बैशाख १६ गतेदेखि नयाँ कदम चाल्ने भएको छ । उपत्यकाका तिनै प्रशासन कार्यालयहरुले तत्कालै कडाईका कदम चाल्न सिफरिस गरेको छ । यससम्बन्धि निर्णय गर्ने सम्पूर्ण जिम्मा मन्त्रीपरिषद्लाई दिइएको छ ।
सरकारी स्रोतका अनुसार यसबीचमा लकडाउन गरिने संभावना रहको छ । यसको औपचारिक निर्णय मन्त्रिपरिषदले गर्नेछ । यसका लागि प्रस्तावको ड्राफ्ट तयार भइसकेको समाचार स्रोतले जानकारी दिएको छ ।
काठमाडौं, ललितपुर र भक्तपुर तीन जिल्लाका प्रमुख जिल्ला अधिकारीहरुको बैठकले सो कडाईको सिफारिस गरेको हो । संभवतः आज बेलुकी बस्ने मन्त्रिपरिषद बैठकले यस विषयमा औपचारिक निर्णय गर्नेछ ।
सुरुमा १ हप्ताको लागि लकडाउन गर्ने तयारी गरिएको र यसलाई आवश्यकताअनुसार विस्तारै लम्व्याइने भएको छ ।
विभिन्न हल्लाका बीच सर्वसाधारण भने सरकारको आधिकारिक धारणाको ब्यग्र प्रतिक्षामा रहेका छन् ।
काठमाडौं उपत्यकामा सार्वजनिक र निजी यातायातका साधन बन्द गर्ने निर्णय गरेको छ । उपत्यकाका तिनै जिल्लाका प्रमुख जिल्ला अधिकारीहरुको बैठकले सार्वजनिक र निजी यातायात बन्द गर्ने निर्णय गरेको समाचार स्रोतले जानकारी दिए ।