काठमाडौं
यस वर्षको डाक्टर अम्वेडकर विशिष्ट सेवा पुरस्कारबाट नेपाल कुरियर सेवा संघका अध्यक्ष एवं युवा उद्यमी रामेश्वर शिवालाई प्रदान गरिएको छ । नयाँ दिल्लीको पंचशील मण्डपमा आयोजित सामारोहमा भारतका केन्द्रीय खाद्य तथा उपभोक्ता मामिला मन्त्री रामविलास पासवानले सामाजिक न्याय, समावेशी र दलित उत्थानमा उद्यमी शिवाले गरेको योगदानको उच्च कदर स्वरुप डाक्टर अम्बेडकर विशिष्ट सेवा परस्कार प्रदान गरेका हुन् ।
शिवाले दलित समुदायको शिक्षा तथा सामाजिक सेवामा सहयोग गदै आएका छन् । भारतिय दलित साहित्य अकादमीद्वारा आयोजित सम्मेलनमा पूर्व सामाजिक न्याय मन्त्री सत्यनारायण जाटिया, न्यायाधिश वीएच भैरविया, उप–सभामुख जितेन्द्र सरकार र विभिन्न राज्यका सांसद, समाजसेवी, लेखक, र उद्यमीहरुको सहभागिता थियो ।