काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले बोलाएको सर्वदलीय बैठकपछि नेपाली कांग्रेसका सभापति गगन थापाले वर्तमान परिस्थितिको सामना गर्न सबै राजनीतिक दल एकजुट भएर अघि बढ्नुपर्ने बताएका छन्।
बैठकपछि सञ्चारकर्मीसँग कुरा गर्दै थापाले अहिले दलगत विभाजनभन्दा सहकार्य आवश्यक रहेको बताए। उनले वर्तमान परिस्थितिमा राजनीतिक दलहरूबीच एकता र सहकार्य अपरिहार्य रहेको धारणा राखे।
“अहिले यहाँ कोही यो दल, त्यो दल भन्ने छैन, हामी सबै एउटै हौँ,” थापाले भने।
उनले देशमा देखिएको कठिन परिस्थितिको सामना गर्न सबै राजनीतिक दल साझा धारणा बनाएर अघि बढ्नुपर्नेमा जोड दिए। देशलाई निकास दिन दलहरूबीच सहकार्य र एकता आवश्यक रहेको उनको भनाइ थियो।
सर्वदलीय बैठकमा समसामयिक राजनीतिक विषयमा छलफल भएको थियो। बैठकले कठिन परिस्थितिमा राजनीतिक दलहरूबीच साझा धारणा निर्माण गर्दै सहकार्यका साथ अघि बढ्नुपर्ने आवश्यकतामा जोड दिएको थियो।
थापाले देशको वर्तमान अवस्थालाई निकास दिन सबै राजनीतिक दल मिलेर अघि बढ्नुपर्ने बताएका छन्।