काठमाडौं । नेपाली बजारमा सुनचाँदीको मूल्य शुक्रबार पनि घटेको छ। नेपाल सुनचाँदी व्यवसायी महासंघका अनुसार आज सुन प्रतितोला ७ हजार ८ सय रुपैयाँले घटेको हो भने चाँदीको मूल्य १ सय १५ रुपैयाँले घटेको छ।
आज सुनको मूल्य प्रतितोला २ लाख ९४ हजार ५ सय रुपैयाँ कायम भएको छ। त्यस्तै, चाँदीको मूल्य प्रतितोला ४ हजार ८ सय ९५ रुपैयाँ निर्धारण गरिएको छ।
यसअघि बिहीबार सुन प्रतितोला ३ लाख २ हजार ३ सय रुपैयाँ र चाँदी ५ हजार १० रुपैयाँमा कारोबार भएको थियो। त्यसैगरी, बुधबार छापावाल सुनको मूल्य प्रतितोला ३ लाख ७ हजार ७ सय रुपैयाँ र चाँदीको मूल्य ५ हजार १ सय ५० रुपैयाँ कायम भएको थियो।
अन्तर्राष्ट्रिय बजारमा समेत बहुमूल्य धातुको मूल्य घट्दो क्रममा रहेको छ। अन्तर्राष्ट्रिय बजारको प्रभावसँगै नेपाली बजारमा पनि सुनचाँदीको मूल्यमा निरन्तर गिरावट देखिएको व्यवसायीहरू बताउँछन्।