काठमाडौं । नेपाली बजारमा आज मंगलबार सुन र चाँदीको मूल्य बढेको छ। सोमबारको तुलनामा सुन प्रतितोला करिब ३,८०० रुपैयाँ र चाँदी प्रतितोला करिब ३१० रुपैयाँले बढेको नेपाल सुनचाँदी व्यवसायी महासंघले जनाएको छ।
आज छापावाल सुनको मूल्य प्रतितोला ३ लाख १७ हजार रुपैयाँ कायम भएको छ भने एक तोला चाँदीको मूल्य ५ हजार ७२० रुपैयाँ निर्धारण भएको छ। हिजो सोमबार सुन प्रतितोला ३ लाख १३ हजार २०० रुपैयाँ र चाँदी ५ हजार ४१० रुपैयाँमा कारोबार भएको थियो।
अन्तर्राष्ट्रिय बजारमा आज सुनको मूल्य एक औँस ५,१४१ अमेरिकी डलर र चाँदीको मूल्य ८७५ अमेरिकी डलरमा कारोबार भइरहेको अन्तर्राष्ट्रिय सञ्चार माध्यमहरूले जनाएका छन्।
नेपालमा सुनको मूल्य हालसम्मकै उच्च स्तरमा गत माघ १५ गते प्रतितोला ३ लाख ३९ हजार ३ सय रुपैयाँ पुगेको थियो। त्यस्तै, चाँदीको मूल्य पनि सोही दिन प्रतितोला ७ हजार ५ सय ५ रुपैयाँमा पुगेर उच्च स्तरमा पुगेको थियो।