काठमाडौं । नेपाली बजारमा सुन र चाँदीको मूल्य निरन्तर उकालो लागिरहेको छ।
सोमबार पनि सुनचाँदीको मूल्य बढेको नेपाल सुनचाँदी व्यवसायी महासंघले जनाएको छ। महासंघका अनुसार छापावाल सुन सोमबार प्रतितोला ३ लाख ४ हजार ६ सय रुपैयाँमा कारोबार भएको छ।
अघिल्लो दिनको तुलनामा सुनको मूल्य प्रतितोला ४ हजार १ सय रुपैयाँले बढेको हो। आइतबार सुन प्रतितोला ३ लाख ५ सय रुपैयाँमा किनबेच भएको थियो। त्यसअघि शुक्रबारको तुलनामा आइतबार मात्रै सुनको मूल्य ९ हजार ५ सय रुपैयाँले बढेको थियो।
यसरी आइतबार र सोमबार गरी पछिल्ला दुई दिनमा सुनको मूल्य प्रतितोला कुल १३ हजार ६ सय रुपैयाँले वृद्धि भएको छ। यसअघि माघ १५ गते सुनले हालसम्मकै उच्च मूल्य छोएको थियो, जहाँ प्रतितोला ३ लाख ३९ हजार ३ सय रुपैयाँमा कारोबार भएको थियो।
त्यसैगरी चाँदीको मूल्य पनि सोमबार बढेको छ। सोमबार चाँदी प्रतितोला ५ हजार २ सय ५० रुपैयाँमा कारोबार भएको महासंघले जनाएको छ।
शुक्रबारको तुलनामा आइतबार चाँदीको मूल्य प्रतितोला ३ सय रुपैयाँले बढेर ५ हजार १० रुपैयाँ पुगेको थियो भने सोमबार थप २ सय ४० रुपैयाँले वृद्धि भएको हो।
आइतबार र सोमबार गरी दुई दिनमै चाँदीको मूल्य प्रतितोला ५ सय ४० रुपैयाँले बढेको छ।
यसअघि माघ १५ गते चाँदीले पनि हालसम्मकै उच्च मूल्य कायम गर्दै प्रतितोला ७ हजार ५ सय ५ रुपैयाँमा कारोबार भएको थियो।