टेनप्लास्टको पोखरा एभेन्जर्ससँग सहकार्य

चौका–छक्कासँगै समुदायमा पानी ट्यांकी वितरण

काठमाडौं ।  पोखरा एभेन्जर्ससँग सहकार्य गर्दै टेनप्लास्ट  र टेनस्टिलले सामुदायिक प्रभावलाई लक्षित  टेनप्लास्ट इमप्याक्ट क्यामपेन (Tenplast Impact Campaign) सुरु गरेका छन्। खेलमैदानमा बनेका स्कोरलाई प्रत्यक्ष रूपमा समाजमा उपयोगी सहयोगमा रूपान्तरण गर्ने उद्देश्य यो अभियान लिएको छ।

अभियान अनुसार पोखरा एभेन्जर्सले खेलेका प्रहार र जितसँगै पानी ट्यांकी वितरण हुनेछ। कम्पनीले सार्वजनिक गरेको विवरण यस्तो छ:
● प्रत्येक चौका — ३ सय लिटर Tenplast Water Tank
● प्रत्येक छक्का — ५ सय लिटर Water Tank
● टिमले जिते प्रत्येक खेल — १००० लिटर Water Tank

कम्पनीका अनुसार यी ट्यांकीहरू स्वच्छ पानी अभाव रहेको समुदाय, विद्यालय र स्थानीय संरचनामा उपलब्ध गराइनेछन्। अभियानले सुरक्षित पानी पहुँच, स्वास्थ्य सुरक्षाअनुकूल अभ्यास र दीर्घकालीन प्रभावमा योगदान गर्ने अपेक्षा राखिएको छ।

“प्रत्येक रन र प्रत्येक जित अब समुदायका लागि प्रत्यक्ष सहयोग बन्नेछ,” टेनप्लास्टले जनाएको छ। CSR लाई व्यावहारिक समाधानसँग जोड्ने प्रयासका रूपमा कम्पनीले यसलाई महत्वपूर्ण पहल मानेको छ।

प्रतियोगिता अगाडि बढ्दै जाँदा, प्रशंसकहरूले खेलको रोमाञ्चसँगै समाजमा पुगेको समर्थनलाई पनि नजिकबाट हेर्न सक्नेछन्।

Ten Group नेपालमा निर्माण सामग्री र औद्योगिक समाधान आपूर्ति गर्ने अग्रणी व्यवसायिक समूह हो। Ten Plast, Ten Steels, Maruti Traders, Maruti Business Concern, D.R. Multi Trade र Ten Multi Mines जस्ता कम्पनीमार्फत समूहले निर्माण, कृषि तथा विभिन्न स्थानीय परियोजनामा आवश्यक सामग्री उपलब्ध गराउँदै आएको छ। समूहले उत्पादन र व्यापारसँगै सामुदायिक सहयोग र दिगो विकासलाई पनि आफ्नो जिम्मेवारीको रूपमै अगाडि बढाइरहेको छ।