ई-आर्थिक, काठमाडौं । चालु आर्थिक वर्षमा सरकारले २ खर्ब १५ अर्ब रूपैयाँ बराबरको वैदेशिक ऋण सम्झौता गरेको छ । सरकारले आर्थिक वर्ष २०८१/८२ मा सरकारले २ खर्ब १५ अर्ब रूपैयाँ बराबरको वैदेशिक ऋण सम्झौता हो ।
विभिन्न दातृ निकायहरूसँग नेपाल सरकारले विभिन्न परियोजनाका लागि २ खर्ब १५ अर्ब ५४ करोड रूपैयाँको ऋण सम्झौता गरेको अर्थमन्त्रालयले जनाकारी दियो ।
नेपाल सरकारले ५७ अर्ब रूपैयाँको अनुदान प्राप्त गरेको छ भने ऋण तथा अनुदानसहितको गरी एक वर्षमा २ खर्ब ७३ अर्ब रूपैयाँ सहायता सम्झौता भएको छ ।
नेपालले सबैभन्दा धेरै बहुपक्षीय निकाय विश्व बैंक र एडीबीजस्ता संस्थासँग सम्झौता गरेको अर्थमन्त्रालयले बतायो ।
ऊर्जा, यातायात, सिँचाइलगायतका क्षेत्रमा ऋण तथा अनुदान सम्झौता भएको हो।