ई-आर्थिक, काठमाडौं । संसदमा नेपाल विद्युत प्राधिकरणको समग्र आर्थिक अवस्थाबारे सदनलाई जानकारी गराउनको माग गरिएको छ ।
केहीदिन अधि नेपाल विद्युत प्राधिकरणका कार्यकारी निर्देशक हितेन्द्रदेव शाक्यले विद्युत प्राधिकरण घाटामा गएको श्वेतपत्रमार्फत जानकारि दिएका थिए । उनले प्राधिकरणमा शून्य आर्थिक मैज्जात रहेको बताउदै प्राधिकरण साडे ६ अर्ब घाटामा गएको तथ्यांक देखाएका थिए भने तात्कालिन कार्यकारी निर्देशक कुलमान घिसिङले प्राधिकरण ४६ अर्ब नाफामा रहेको बताएका थिए । प्राधिकरणको आर्थिक विषयको सर्वत्र आलोचना तथा चासो रुपमा हेरिएको छ । यही विषय बाहिरमात्रै होइन् सदनमा पनि उठन् थालेको छ ।
नेकपा माओवादीका सांसद हितराज पाण्डेले नेपाल विद्युत प्राधिकरणको समग्र आर्थिक अवस्थाको विवरण बारे सदनलाई जानकारी गराउनको लागि माग गरेका हुन् ।
आज बसेको प्रतिनिधिसभाको बैठकमा सांसद पाण्डेले नेपाल विद्युत प्राधिकरणका निवर्तमान र वर्तमान प्रबन्ध निर्देशकले सार्वजनिक गरेको आम्दानी र खर्चको यथार्थ विवरण पेस गर्न सरकारलाई रुलिङ् गराउन सभामुख समक्ष माग गरिएको गरेका छन् ।
यस्तै, उनले राष्ट्रिय गौरवको जलासययुक्त बुढि गण्डकी जलविद्युत परियोजना यही आर्थिक वर्ष ८२, ८३ देखि निर्माण सुरु गरियोस् भनि सरकारसँग माग पनि गरेका छन् ।