ई-आर्थिक, काठमाडौं । काठमाडौं महानगरपालिकाले भाटभटेनीलाई कारवाही गरेको छ । महानगरपालिकाले भाटभटेनी सुपर मार्केटले २ लाख रुपैयाँ जरिवाना तिराउने भएको हो । काठमाडौँ महानगरपालिकाले कुहिएको नरिवल बिक्री गरेको भन्दै भाटभटेनीलाई कारवाही गरेकाे हाे ।
महानगरपालिकाले भाटभटेनीको त्रिपुरेश्वर आउटलेटलाई जरिवाना तिराएको हाे। महानगरले सो आउटलेटबाट ४४ प्याकेज अखाद्य नरिवल बरामद गरेर नष्ट गरेको छ ।
गत मंसिर १९ गते भाटभटेनी सुपरमार्केट त्रिपुरेश्वरमा प्याक गरिएका र बिक्रीको लागि राखिएका नरिवलमा ढुसी फेला परेको थियो ।
काठमाडौं महानगरपालिकका अनुसार उपभोक्ताले उजुरी गरेपछि महानगर प्रहरी बल र खाद्य प्राविधिक सहितको टोलीले अनुमगनका क्रममा गर्दा ढुसी सहितको नरिवल फेला पारेका थिए ।
उपभोक्ताहरुले देशको ठूलो सुपरमार्केटले जनताको स्वास्थ्यमा खेलबाड गरेको भन्दै गुनासो ब्यक्त गरेका थिए ।