ई-आर्थिक, काठमाडौं । धर्ती जोगाउँ : जिबन बचाउँ अभियानमा लाग्न मानव अधिकारकर्मीले आग्रह गरेका छन् । धर्ती जोगाउन र जीवन बचाउन उनीहरुले आग्रह गरेका हुन् । विश्वमा बढ्दो जलवायु परिवर्तन (ग्लोवल वार्मिङ) को समस्या बढ्दै गर्दा अधिकारकर्मीहरुले धर्ती र जिवन बचाउन जोड दिएका छन् । मानवअधिकार तथा शान्ति समाज काठमाडौैका सभापति भगवान पुडासैनीले मानव अधिकार तथा शान्ति समाजले बिगत लामो समयदेखि हिमालय बचाउ अभियान संचालन गरिरहेको ई-आर्थिकलाई जानकारी दिए ।
“पछिल्लो समयमा नदिनाला तथा हिमाल प्रदुषित हुने क्रम बढ्दो छ । बढ्दो फोहोरमैला समस्याका कारण नेपालका नदीनालामात्र होइन हिमाली क्षेत्रको प्रभाव परेको छ । हिमाली क्षेत्रहरुमा पनि फोहोरमैला लगायत प्रदुषणबाट ग्रसित हुदा यसलई जोगाउनु हाम्रो ध्येय हो ।’ अभियन्ता उत्तम पुडासैनी भन्छन् ।
हिमाल बचाउ अभियानमा विशेषरुपमा शान्ति समाजको काठमाडौं शाखाले आफ्नै ढंगले अघि बढाईरहेको सभापति पुडासैनी बताउछन् ।
शान्ति समाज काठमाडौं शाखा नियमित रुपमा वाग्मती सफाई अभियमानमा सहभागिता रहँदै आएको छ । हामीले गतबर्ष संसारकै सबैभन्दा उच्च स्थानमा रहेको तिलिचो ताल सफाई गर्दै बिशेष सन्देश प्रवाह गरेको थियो ।
अहिले दोलखा जिल्लामा रहेको चारैतिरबाट हिमालले घेरिएको मनमोहक च्छो-रोल्पा ताल सफाई गर्दै उक्त स्थानबाट सफाई सम्बन्धि सन्देश समेत प्रवाह गरिएको उनी बताँउछन् । मानवअधिकारकर्मीहरुले च्छोरोल्पा हिमाल अगाडी विभिन्न प्ले कार्ड बोकी हिमाल जोगाउन आग्रह गरेका छन् ।
शान्ति समाज काठमाडौं शाखाले विभिन्न समाजिक क्रियाकलापमा सक्रिय भूमिका निर्वाह गर्दै छाडा गाई बाछा संरक्षण साथै ‘मेरो फोहोर : मेरो जिम्मेवारी’लाई प्रवद्र्धन गर्दै सफाई संस्कृती निर्माणमा शान्ति समाज काठमाडौं शाखा निरन्तर सक्रिय रहँदै आएको छ , उनले भने ।
