ई-आर्थिक, काठमाडौं । नेपाली बजारमा सुनको मूल्यले ऐतिहासिक रेकर्ड कायम गरेको छ । सुनसँगै चाँदीको मूल्यले पनि नयाँ रेकर्ड कायम गरेको छ । आज आईतबार नेपाली बजारमा सुनको मूल्यले नयाँ रेकर्ड बनाएको हो । आज सुनको मूल्य प्रतितोला १४ सय रुपैया रुपैयाँ बढेर नयाँ रेकर्ड बनाएको हो । यही अनुपातमा सुनको मूल्य बढ्दै जाने हो भने केही समयपछि नेपालमा प्रतितोला २ लाख रुपैयाँसम्म पुग्ने यस क्षेत्रका जानकारहरु बताउछन्। तिहार नजिकिएसंगै बजारमा सुनको मूल्यले पनि नयाँ रेकर्ड बनाउदै छ । यो कायम भएको सुनको मूल्य हालसम्मकै उच्च हो ।
नेपाल सुन चाँदी व्यवसायी महसंघका अनुसार आज छापावाला एक लाख ६७ हजार ४०० रुपैयाँमामा कारोबार भएको छ । शुक्रबारको बजारमा छापावाला सुन प्रतितोला एक लाख ६६ हजार रुपैयाँमा कारोबार भएको थियो । कार्तिक ७ गते बुधबार कायम उचाईलाई ब्रेक गर्दै सुनको मूल्यले नयाँ रेकर्ड बनाएको हो । उक्त दिन छापावाला सुन प्रतितोला एक लाख ६६ हजार ७०० रुपैयाँ कायम थियो ।गत कात्तिक ६ गते मंगलबार सुन प्रतितोला एक लाख ६५ हजार ९०० रुपैयाँमा कारोबार भइरहेको थियो । साथै, गत सोमबारको बजारमा छापावाला सुन प्रतितोला एक लाख ६५ हजार ६०० रुपैयाँमा कारोबार भएकाे थियाे । सुनको मूल्यले निरन्तर छैटौं दिन पनि नयाँ रेकर्ड बनाएको हो ।
आज चाँदीको मूल्य पनि बढेको । आज चाँदीको मूल्य भने १५ रुपैयाँले बढेको हो । आईतबारको बजारमा चाँदी प्रतितोला दुई हजार ८५ रुपैयाँमा खरिदबिक्री भइरहेको छ । शुक्रबारको बजारमा चाँदी प्रतितोला दुई हजार ७० रुपैयाँमा खरिदबिक्री भएको थियो । गत मंगलबार चाँदी प्रतितोला दुई हजार ९५ रुपैयाँमा खरिदबिक्री भइरहेको छ । सोमबार चाँदी प्रतितोला दुई हजार ९o रुपैयाँमा खरिदबिक्री भएको थियो । उक्त मूल्यलाई ब्रेक गर्दै निरन्तर तेस्रो दिन चाँदीको मूल्यले पनि नयाँ उचाई बनाएको हो ।
अन्तराष्ट्रिय क्षेत्रमा भएको द्वन्दको कारण साथै लगानीको सूरक्षित माध्यम सुन भएकाले अन्तराष्ट्रिय रुपमा सुनको मूल्यमा उतारचढाव कायम भएको हो । यही परिमाणलाई हेर्ने हो भने नेपालमा सुनको मूल्य २ लाख रुपैयाँ सम्म पुग्ने यो क्षेत्रका व्यवसायी तथा जानकारहरु बताउछन् ।
अन्तर्राष्ट्रिय बजारमै मूल्य बढेपछि नेपालमा सुन चाँदीको मूल्य बृद्धि भई लगातार नयाँ रेकर्ड बनाइरहेको व्यवसायीहरुको भनाई छ । सुन चाँदीको मूल्य बढ्नुमा अन्तर्राष्ट्रिय कारण रहेको छ । अन्तर्राष्ट्रिय बजारमै मूल्य आकाशिएपछि सोहीअनुसार मूल्य समायोजन हुँदा नेपालमा सुनचाँदीको भाउ बढेको हो ।
यतिबेला प्रमुख दुई कारणले सुनको भाउ बढाएको छ । पहिलो– मध्यपूर्वी युद्ध र दोस्रो– अमेरिकी चुनावको नतिजापछि आउन सक्ने अनिश्चितता । जब जब अन्तर्राष्ट्रिय तनाव र द्वन्द्व बढ्न थाल्छ, त्यसले सुनको माग ह्वात्तै बढाउने गरेको छ । यतिबेला मध्यपूर्वी युद्धको तनाव छ,अर्कोतिर अमेरिकी राष्ट्रपतिको चुनावपछि बढ्न सक्ने अनिश्चितताले लगानी सुनतिर मोडिएको अनुमान लगाइएको छ ।