ई–आर्थिक, काठमाडौं । देशभरका लघुवित्त वित्तीय संस्था र मिटर ब्याजीहरुबाट पीडितहरुले काठमाडौंको माइतीघरमा प्रदर्शन गरेका छन् ।
मेडिकल व्यवसायी तथा अभियान्ता दुर्गा प्रसाईले नेतृत्व गरेका आन्दोनमा सहभागी हुन उनीहरु काठमाडौं आएका हुन् ।
विभिन्न जिल्लाबाट आएका पीडितहरुले सामूहिक रुपमा प्रदर्शन गरेका हुन् । ५० जिल्लाका पीडित प्रदर्शनमा सहभागी भएको उनीहरुको भनाइ छ ।
उनीहरूले लघुवित्त र मिटर ब्याजीका कारण आफूहरु समस्यामा परेको भन्दै ऋण मिनाह गर्नुपर्ने, किसानहरुलाई विना धितो ऋण दिनुपर्ने लगायत माग राखेका छन् ।