ई–आर्थिक, काठमाडौं । एमाले अध्यक्षमा के.पी. शर्मा ओलीको प्रतिस्पर्धी नहुने चर्चा चलिरहेकै वेलामा पार्टीका उपाध्यक्ष भीम रावलले अध्यक्ष पदमा ओलीसँग प्रतिस्पर्धा गर्ने घोषणा गरेका छन् । उनको घोषणासँगै पार्टीको आसन्न महाधिवेशनमा केपी शर्मा ओलीविरुद्ध अध्यक्ष पदमा प्रतिस्पर्धा हुने भएको छ ।
आज एक पत्रकार सम्मेलन गरेर उपाध्यक्ष रावलले उम्मेदवारी घोषणा गर्ने एमाले नेता झपट रावलले जानकारी गराए ।
दुई साताअघि गृह जिल्ला आछाममा आयोजित एक कार्यक्रममा उपाध्यक्ष रावलले अध्यक्षमा प्रतिस्पर्धा गर्ने संकेत गरिसकेका थिए ।
एमाले अध्यक्ष ओलीले १० बुँदे सहमति कार्यान्वयन नगरेको भन्दै रावल असन्तुष्ट रहँदै आएका थिए ।
यसअघि एमालेभित्र माधव नेपाल खेमामा रहँदै आएका भीम रावल नेपालले नयाँ पार्टी स्थापना गरेपछि एमालेमै रहेका थिए ।
एमाले बृतमा उनलाई खरो आलोचकका रुपमा चिनिदै आएका छन् ।