ई–आर्थिक, काठमाडौँ : हाइटीमा शनिबार गएको ७.२ रेक्टर स्केलको शक्तिशाली भूकम्पबाट मृत्यु हुनेको संख्या ३ सय ४ जना मानिसको मृत्यु भएको छ । सो भूकम्पमा परी ठूलो संख्यामा घाइते भएका छन् । अन्तर्राष्ट्रिय समाचार माध्यमका अनुसार सो भुकम्पमा परी मृत्यु हुनेको संख्या अझै बढ्ने र २ हजारको हाराहारी घाइते भएको उल्लेख गरेका छन् ।
हाइटीको सेन्ट लुईस डू सुड सहरदेखि १२ किलोमिटर नजिकै केन्द्रविन्दू भएर भूकम्प गएको अमेरिकी भौगर्भिक सर्भेले पुष्टि गरेको छ ।
भूकम्पका कारण त्यहाँको पश्चिम क्षेत्रका धेरै संरचना, होटल तथा चर्चहरुमा क्षति भएको छ ।
सो भुकम्पबाट ठूलो क्षति भएपछि त्यहाँका प्रधानमन्त्री एरियल हेनरीले एक महिने लामो संकटकालको घोषणा गरेका छन् ।
हाइटी सन् २०१०को भूकम्पबाट भर्खरै तंग्रिदै गरेको अवस्थामा पुनःअर्को ठूलो भूकम्प आएको हो । शक्तिशाली सो भुकम्पमा परी त्यसबेला २ लाख मानिसले ज्यान गुमाएका थिए ।
यसपटकका थप भुकम्पले त्यहाँको अवस्था झनै नाजुक भएको छ ।
अमेरिकी राष्ट्रपति जो बाइडेनले हाइटीलाई आफत्कालीन अमेरिकी सहयोगको स्वीकृति दिएका छन् । अन्य मुलुकहरु समेतले सहयोगको चासो देखाइरहेका छन् ।