ई–आर्थिक, काठमाडौं । नेपाल आयल निगमले सबैजसो पेट्रोलियम पदार्थको मूल्य बृद्धि गरेको छ । निगमले पेट्रोल, डिजेल, मट्टीतेल र हवाई इन्धनमा २ रुपैयाँले मूल्यवृद्धि गरेको हो ।
मङ्गलबार राति १२ बजेबाट लागू हुने गरी ती पेट्रोलियम पदार्थको मूल्य बृद्धि भएको हो ।
नयाँ मूल्यअनुसार पेट्रोल प्रतिलिटर ११४ रुपियाँ र डिजेल, मट्टीतेल प्रतिलिटर ९७ रुपियाँ कायम भएको छ । त्यसैगरी हवाई इन्धनमा भने आन्तरिकतर्फ मात्रै मूल्य बृद्धि भएको छ । नयाँ मूल्य अनुसार आन्तरिक हवाईतर्फ प्रतिलिटर २ रुपियाँ वृद्धि गरी ६७ रुपियाँ कायम भएको छ ।
निगमका अनुसार हवाई इन्धनको अन्तर्राष्ट्रियतर्फ र एलपी ग्यासको मूल्य भने पुरानै मूल्यलाई कायम गरिएको छ ।