ई–आर्थिक, काठमाडौं । नेपाल राष्ट्र बैंकले भोलीदेखि १० अर्ब रूपैयाँ बराबरको विकास ऋणपत्र विक्री गर्ने भएको छ । ७ वर्ष अवधिको विकास ऋणपत्र २०८४ (ङ) नामको ऋणपत्र विक्री गर्न लागेको राष्ट्र बैंकले जानकारी दिएको हो ।
ऋणपत्र बैंक तथा वित्तीय संस्था, गैर–बैंक वित्तीय संस्था, बीमा कम्पनी, संगठित संस्था तथा नेपाली नागरिकले खरीद गर्न सक्नेछन् ।
खरीदकर्ताले राष्ट्र बैंकको राष्ट्र ऋण व्यवस्थापन विभागमा गएर आवेदन दिनुपर्नेछ । उक्त ऋणपत्रको बोलकबोल माघ १३ गते मंगलवार अपरान्ह २ बजेसम्म हुनेछ । माघ १४ गते निष्कासन भएर उक्त ऋणपत्रको साँवा विसं २०८४ साल माघ १४ गते भुक्तानी हुनेछ ।
इच्छुक खरीदकर्ता, र अप्रतिस्पर्धी रुपमा सहभागी हुन सक्नेछन् । प्रतिस्पर्धी खरीदकर्तालाई निष्काशित रकमको ८५ प्रतिशत अर्थात् ८ अर्ब ५ करोड रुपियाँ, अप्रतिस्पर्धीका लागि १५ प्रतिशत अर्थात् १ अर्ब ५ करोड रूपैयाँ छुट्याइएको राष्ट्र बैंकले जनाएको छ ।