ई–आर्थिक, काठमाडौं । पछिल्लो समय नेपालमा कोरोना संक्रमित दिनहुँ बढ्न थालेसँगै चौतर्फि त्रास बढ्न थालेको छ। सोमबार कोरोना भाइरसका ५८१ जना संक्रमित थपिएका छन् ।
स्वास्थ्य तथा जनसङ्ख्या मन्त्रालयका अनुसार पछिल्लो चौबीस घण्टामा ११ हजार ५२० जनामा पीसीआर परीक्षण गरिएको छ भने सक्रिय संक्रमितहरू नाैहजार ६४९ रहेका छन् ।
मन्त्रालयका प्रवक्ता डा. जागेश्वर गौतमले पछिल्लो २४ घण्टामा थपिएका संक्रमितसँगै नेपालमा कुल सङ्क्रमितको सङ्ख्या २७ हजार २४१ पुगेको जानकारी दिए । क्वारेन्टिनमा १५ हजार १५८ रहेका छन् ।
पछिल्लो २४ घण्टामा १६० जना संक्रमित निको भएर घर फर्किएका छन् । याेसँगै हालसम्म १७ हजार ७९५ जना संक्रमित निको भएर घर फर्किएका छन् ।
उपत्यकामा १६८ जना संक्रमित
काठमाडाैँ उपत्यकामा १६८ जना नयाँ थपिएका छन् । काठमाडाैँमा १३९, ललितपुरमा १५ र भक्तपुरमा १४ जना थपिएका छन् ।
साेमबार तीनकाे मृत्यु, कुल संख्या १०७ पुग्याे,
सोमबार तीनजनाको कोरोना भाइरसका कारण मृत्यु भएको छ । रौतहटका ३२ वर्षीय पुरुष, मोरङका ६० वर्षीय पुरुष र काठमाडौंका ५८ वर्षीया महिलाको निधन भएको छ । योसँगै मृत्यु हुनेको कुल संख्या १०७ पुगेको छ ।