ई–आर्थिक, काठमाडौं । उद्योग विभागले यही भदौ ७ गते भित्र नविकरण गर्न उद्योगहरुलाई आग्रह गरेको छ । उद्योग विभागले एक सूचना प्रकाशित गर्दै मातहतका उद्योगलाई भदौ सात गतेभित्र आफ्नो उद्योगहरु नवीकरण गरिसक्न उद्योग विभागले आग्रह गर्दै सो समय सीमा तोकेको हो । साउन ७ गतेबाट लकडाउन खुलेको र अतिरिक्त ३० दिन नवीकरणका लागि समय दिइएको विभागले जानकारी दिएको छ । सो थप अवधि पार भए जरिवाना लाग्ने विभागद्वारा जारी सूचनामा जनाएको छ ।
विभागको सूचनामा भनिएको छ– ‘लकडाउन साउन ७ गते खुलेको र त्यसको ३० दिनसम्म विभागसँग सम्बन्धित कार्यहरु गराइसक्नुपर्ने अन्यथा साविककै दरमा जरिवाना लाग्ने छ,।’ विभागको सूचनापछि उद्योग नवीकरणका साथै पेटेन्ट, डिजाइन र ट्रेडमार्क दर्ता नवीकरण भदौ ७ गतेभित्र गरिसक्नुपर्नेछ ।
त्यसैगरी यस्तै आफ्नो व्यावसायिक उत्पादन वा कारोबार प्रारम्भ गर्ने म्याद थपका लागि निवेदन दिने समय पनि भदौ पहिलो सातासम्मको लागि मात्रै थप गरिएको छ ।
तर यो सबै नवीकरण गर्ने कार्यमा विदेशी लगानीकर्ताले भने थप १ महिनाको समय पाउनेछन् । उपत्यका बाहिर सञ्चालन हुनेले पनि सबै कार्यका लागि थप १ महिनाको समय पाउने विभागले उल्लेख गरेको छ ।
विभागको यो सूचनासँगै बन्दाबन्दीको समयमा नविकरण नभएका उद्योगलाई केही राहत हुने भएको छ । विभागको यो सूचनाले नविकरण नगरेका उद्योगका प्रमुखले भने– ‘यसले हामीलाई केही राहत महसुस भएको छ ।’