ई–आर्थिक, काठमाडौं । नेपाल स्टक एक्सचेञ्ज (नेप्से) मा मंगलवार नबिल बैंकको नबिल डिबेन्चर २०८२ (ऋणपत्र) सूचीकृत भएको छ । कम्पनीको २० लाख कित्ता ऋणपत्र सूचीकृत भएको हो ।
ऋणपत्र सूचीकरण सम्झौता पत्रमा नेप्सेको तर्फबाट प्रमुख कार्यकारी अधिकृत चन्द्र सिंह साउद र बैंकको तर्फबाट प्रमुख कार्यकारी अधिकृत अनिल केशरी शाहले हस्ताक्षर गरेका छन् । अब यो ऋणपत्र ऋणपत्रधनीले दोस्रो बजारमा खरीदविक्री गर्न सक्नेछन् ।